स्वतंत्र बातमी

रत्नागिरी जिल्ह्याला विस्तीर्ण सागरी किनारा लाभल्यामुळे सुरक्षेचा प्रश्न अत्यंत संवेदनशील असतो. कोणत्याही आपत्कालीन स्थितीत पोलिसांची पकड मजबूत राहावी यासाठी हा उपक्रम राबवला.

रत्नागिरीच्या समुद्रकिनारी सुरक्षा यंत्रणा अधिक धारदार करण्यासाठी पोलीस प्रशासनाने पावले उचलली आहेत. २ महाराष्ट्र नेव्हल युनिटच्या वतीने आयोजित शिबिरात जलद कृती दलाच्या १८ जवानांनी सहभाग घेतला. समुद्रातील आव्हानात्मक परिस्थितीला धैर्याने तोंड देण्यासाठी जवानांना बोट सेलिंगचे विशेष प्रात्यक्षिक ज्ञान देण्यात आले. या प्रशिक्षणामुळे पोलिसांना समुद्रात गस्त घालणे आणि अनपेक्षित संकटांवर मात करणे सोपे झाले आहे. किनारपट्टीवरील सुरक्षेचा दर्जा उंचावण्यासाठी उच्च अधिकाऱ्यांनी या उपक्रमाचे थेट नियोजन केले होते.