त्रिशूल युद्ध संग्रहालय खुले

लेह लडाखमध्ये उभारलेले त्रिशूल युद्ध संग्रहालय हे देशाच्या लष्करी इतिहासातील एक सुवर्णपान आहे. १५ जून २०२० च्या गलवान संघर्षात भारतीय सैनिकांनी दाखवलेले शौर्य अद्भूत होते. त्या बलिदानाची स्मृती जपण्यासाठी लष्करासोबत महाराष्ट्र सरकारने घेतलेला पुढाकार अत्यंत कौतुकास्पद आहे. एखाद्या राज्य सरकारने लष्करी स्मारकासाठी निधी देण्याची ही पहिलीच वेळ आहे. ही वास्तू केवळ विटा-मातीचे बांधकाम नसून ती देशभक्तीचे जिवंत प्रतीक आहे. पर्यटकांना आणि युवा पिढीला या संग्रहालयाच्या माध्यमातून सैनिकांच्या असीम त्यागाची जाणीव होत राहील. देशसेवेसाठी प्राण पणाला लावणाऱ्या जवानांच्या स्मृती जतन करण्याचा हा प्रयत्न सर्वार्थाने वंदनीय आहे.