दुष्काळी भागात चारा छावण्यांचे नियोजन

राज्यातील ३०४ दुष्काळग्रस्त तालुक्यांत डिसेंबरनंतर चारा छावण्या सुरू करण्याची योजना आहे. थेट अनुदान वितरणाचा पर्याय खर्चिक ठरल्याने छावण्या उभारण्यावर भर दिला गेला.

राज्यात अपुऱ्या पावसामुळे निर्माण झालेल्या गंभीर दुष्काळजन्य स्थितीचा सामना करण्यासाठी राज्य सरकारकडून सर्वसमावेशक उपाययोजना आखल्या जात आहेत. डिसेंबरनंतर निर्माण होणारी तीव्र चारा टंचाई लक्षात घेता पशुधनाला वाचवण्यासाठी चारा छावण्या उभारण्याचा निर्णय घेतला गेला आहे. थेट बँक खात्यात पैसे जमा केल्यास अवाजवी खर्च होण्याची शक्यता होती. तसेच चारा डेपोच्या माध्यमातून मोफत चारा सर्वदूर पोहोचवणे अशक्य होते. त्यामुळे केवळ गरजू आणि चारा नसलेली जनावरे छावणीत आणण्याचे नियोजन झाले आहे. सात महिन्यांच्या कालावधीसाठी ११ हजार ८७४ कोटी रुपये खर्च अपेक्षित धरण्यात आला आहे.