स्वतंत्र बातमी

राडारोड्याची वाहतूक करणाऱ्या सर्व वाहनांना व्हेईकल ट्रॅकिंग अँड मॉनिटरिंग सिस्टीम लावणे बंधनकारक केले आहे.

मुंबईतील पायाभूत सुविधा प्रकल्प, गृहनिर्माण पुनर्विकास आणि उत्खनन कामांमधून दररोज मोठ्या प्रमाणावर कचरा तयार होतो. या कचऱ्याचे योग्य व्यवस्थापन करण्यासाठी mdcts.mcgm.gov.in या संकेतस्थळावर नोंदणीची सुविधा उपलब्ध केली आहे. बांधकाम व्यावसायिक, वास्तुविशारद, वाहतूकदार, स्टोन क्रशर चालक आणि प्रकल्प सल्लागारांना कचरा व्यवस्थापन आराखडा सादर करून पूर्वमंजुरी घेणे अनिवार्य आहे. एमएमआरडीए, म्हाडा, एसआरए व रेल्वे या संस्थांना आपल्या कंत्राटदारांकडून या प्रणालीचा वापर सक्तीने करून घेण्यास सांगण्यात आले आहे. क्रेडाई, नारेडको आणि पीईएटीए या विकासक संघटनांना सदस्यांमध्ये जनजागृती करण्याचे निर्देश दिले आहेत. नियमबाह्य वाहतूक आढळल्यास २५ हजार रुपयांच्या दंडासह पर्यावरण रक्षण कायद्यानुसार कठोर कारवाई करण्यात येईल.