स्वतंत्र बातमी

बालकांच्या आरोग्यासाठी एफडीएचे योग्य पाऊल अन्न व औषध प्रशासनाने शिशु आहाराच्या जाहिराती आणि वेष्टनाविरोधात घेतलेला निर्णय हा अत्यंत धाडसी आणि कौतुकास्पद आहे. आजकाल बाजारात आईच्या दुधाला पर्याय म्हणून अनेक पाकिटबंद पदार्थ विकले जातात. आकर्षक जाहिराती आणि सुंदर चित्रांना भुलून अनेक पालक या उत्पादनांकडे वळतात. या सवयीमुळे लहान मुलांच्या नैसर्गिक वाढीवर आणि प्रतिकारशक्तीवर गंभीर परिणाम होत असल्याचे आरोग्यविषयक आकडेवारीवरून स्पष्ट होते. नफ्यासाठी बालकांच्या जिवाशी खेळणाऱ्या कंपन्यांवर लगाम घालणे आवश्यक होते. तुकाराम मुंढे यांनी घेतलेल्या या निर्णयामुळे स्तनपानाचे महत्त्व पुन्हा एकदा अधोरेखित झाले आहे. केवळ नियम बनवून भागणार नाही, तर बाजारात याची अंमलबजावणी सातत्याने होते की नाही हे पाहणे तितकेच महत्त्वाचे आहे.