स्वतंत्र बातमी

पुणे जिल्ह्यातील चाकण आणि तळेगाव हा भाग भारतातील सर्वात मोठ्या ऑटोमोबाईल आणि उत्पादन क्षेत्रांपैकी एक मानला जातो. या भागात हजारो लहान-मोठे उद्योग कार्यरत आहेत. दररोज हजारो अवजड वाहने आणि कामगारांची वाहतूक या रस्त्यांवरून होत असते. पावसाळ्यात खड्डे पडल्याने आणि रस्त्यांचे रुंदीकरण रखडल्याने येथे दररोज किलोमीटर लांबीच्या रांगा लागतात. या समस्येमुळे अनेक कंपन्यांच्या उत्पादनावर विपरीत परिणाम होत होता. आता उपमुख्यमंत्री एकनाथ शिंदे आणि मुख्यमंत्री देवेंद्र फडणवीस यांनी या प्रश्नात लक्ष घातल्याने विकासकामांना गती मिळण्याची चिन्हे आहेत. आगामी काळात विकास आराखडा मंजूर होऊन प्रत्यक्षात कामे सुरू होतील.