होर्मुझ सामुद्रधुनीत सेवा कर

जागतिक ऊर्जा वाहतूक आणि इराणचे धोरण. हॉर्मुझच्या सामुद्रधुनीतून प्रवास करणाऱ्या जहाजांवर सेवा शुल्क आकारण्याचा इराणचा निर्णय हा केवळ आर्थिक नसून राजकीय आणि रणनीतिक स्वरूपाचा आहे. अमेरिकेचे वाढते आर्थिक निर्बंध आणि राजनैतिक दबाव याला उत्तर म्हणून इराणने जागतिक व्यापाराची महत्त्वाची नाडी मानल्या जाणाऱ्या जलमार्गावर आपले नियंत्रण घट्ट करण्यास सुरुवात केली आहे. आंतरराष्ट्रीय सागरी कायद्यानुसार मुक्त जलवाहतुकीचा अधिकार असला तरी स्वतःच्या territorial waters चे रक्षण आणि सेवांच्या मोबदल्यात दाव्याचा हक्क इराण सांगत आहे. या निर्णयामुळे अमेरिका आणि इराणमधील तणाव अधिक विकोपाला जाण्याची चिन्हे असून जागतिक तेल पुरवठा साखळी विस्कळीत होण्याचा मोठा धोका निर्माण झाला आहे. राजनैतिक संवादातून यावर लवकरात लवकर तोडगा न निघाल्यास जागतिक अर्थव्यवस्थेला मोठ्या मंदीचा फटका बसू शकतो.