स्वतंत्र बातमी

बंदर विभागाची स्वावलंबनाकडे वाटचाल. महाराष्ट्र राज्याला लाभलेल्या विस्तीर्ण सागरी किनाऱ्याचा आर्थिक वापर आतापर्यंत पूर्ण क्षमतेने झालेला दिसत नाही. केवळ पारंपरिक मासेमारी आणि बंदर शुल्कावर अवलंबून न राहता जाहिराती, मनोरंजन क्षेत्र व व्यावसायिक मूल्यांकनाची जोड देणे हा प्रशासकीय दृष्टीने योग्य पाऊल आहे. मुंबई आणि कोकणातील सागरी सौंदर्याचा वापर चित्रपट सृष्टी मोठ्या प्रमाणावर करते. या वापरातून राज्याच्या तिजोरीत उत्पन्नाचा मुख्य स्रोत तयार होणे शक्य आहे. मिळालेल्या महसुलातील काही हिस्सा स्थानिक मच्छीमार कल्याण आणि सागरी पर्यावरण संरक्षणासाठी वापरल्यास या धोरणाची फलश्रुती अधिक व्यापक ठरेल.